تطبيق Bee او pi network القصة الها حوالي 8-9 شهور نازلة و منتشرة و الفكرة منها انك بتنزل تطبيق على تلفونك و كل 24 ساعة بتكبس كبسة لتزيد النقط تبعك و بتزيد اكتر عن طريق توجيه دعوات لاصدقائك مشان ينزلوه كمان ( على مبدئ التسويق الشبكي )
مطورين التطبيق ما حكو عنو الا انها فكرة و ممكن مع الايام تصير حقيقة و تصير هي العملة الها قيمة .... اما البوستات اللي انتشرت عنو بتحسسك رح تصير الوليد بن طلال خلال شهر
هي العملة ما لها قيمة سوقية لحد هي اللحظة و انشالله بتجمع مليار نقطة ما الهن قيمة ابدا ابدا
الغاية من التطبيق مو كتير معروفة لحد هلا بما انو ما عم يستخدم موارد الجهاز ( يعني ما عم يعمل تعدين )
الحالات اللي ممكن هالتطبيق ينشهر بسببها رح اذكر منها كم وحدة :
🔸-ممكن هالتطبيق يكون لجمع بيانات عن المستخدمين لان عم يجبرك تدعي أصدقائك عليه لحتى يتوسع اكتر و اكتر و الصلاحيات اللي اخدها التطبيق اغلبها مشكوك بأمره
ومن بين هذه المتطلبات، التي يحتاجها تطبيق Pi Network:
- الوصول للصور ومقاطع الفيديو على هاتفك.
- والوصول إلى جهات الاتصال الخاصة بك وقراءتها.
- قراءة محتويات وحدة التخزين USB.
- حذف أو تعديل وحدة التخزين USB.
- قراءة حالة وهوية الهاتف.
- الوصول إلى رقم معرف الجهاز.
- الوصول إلى معلومات المكالمات.
وليس هذا فقط، بل يطلب منك، تطبيق Pi Network أيضا، الوصول إلى معلومات اتصال Wi-Fi، والوصول الكامل إلى الشبكة، وتلقي بيانات من الانترنت، والتحكم في الاهتزاز. فإذا كنت توافق، على وصول التطبيق، لكل هذه الأشياء، التي تم ذكرها
🔸-الحالة التانية انو يعمل تعدين ع جهازك ... و هاد الشي ضار جدا جدا لانو رح تعدم تلفونك بفترة قصيرة جدا
🔸-الحالة التالتة انو صحابو بعد فترة يطورو فيه شوي و يكون للربح من الاعلانات اللي بتطلع عليه بحكم صار الو مستخدمين كتير للاندرويد و الايفون
🔸-الحالة الرابعة انو يطلع فعلا صحيح ( مع انو ما في ولا أدنى مؤشر انو يطلع صحيح ) الشركة ما رح تعطيك ارباح بدون مقابل و ما بظن هالمقابل يكون الكبسة تبعك يلي بتكبسها كل 24 ساعة ... على مبدا انك اذا اخدت سلعة بدون مقابل لازم تتأكد انك انت السلعة
هي العملة مختلفة تماما تماما عن طريقة البيتكوين و مختلفة عن البورصة و التداول يلي ممكن تربح فيه او تخسر بس بالبداية بتكون دافع راس مال عم تستثمرو لهيك خلينا نشيل من راسنا فكرة انو نربح ولو 0.01 $ بدون شي نحن نقدمه
تعليقات: (0) إضافة تعليق